Liverpool ayaa lagu soo waramayaa in ay dalab ka gudbineyso xiddiga khadka dhexe ee kooxda Ac Milan ee Franck Kessie wax yar ka hor inta uuna furmin suuqa kala iibsiga ee bartamaha xilli ciyaareedkan.
Jurgen Klopp ayaa qarka u saaran inuu waayi doono Mohamed Salah , Sadio Mane iyo Naby Keita bisha soo socota si ay seddexda ciyaaryahan uga qeyb galaan Koobka Qaramada Afrika, waxaana la rumeysan yahay inay Reds galeyso suuqa kala iibsiga Janaayo.
Sida laga soo xigtay Liverpool Echo , kooxda Klopp ayaa bilowday dalab ay ku doonayaan Kessie, kaasoo sidoo kale lala xiriirinayo inuu u dhaqaaqayo Tottenham Hotspur, Manchester United iyo Real Madrid.
25-sano jirkaan ayaa labo jeer ka horyimid Liverpool xilli ciyaareedkan wareega group-yada Champions League, waxaana qandaraaskiisa Giuseppe Meazza uga haray kaliya lix bilood, taasoo la micno ah inuu bartilmaameed sahlan u noqon karo bisha Janaayo.
Kessie ayaa AC Milan yimid 2017, markii hore amaah, waxaana uu u saftay 205 kulan.
Madaxweynaha Mareykanka, Donald Trump ayaa Isniintii ku dhawaaqay in dowladdiisu ay wada hadal toos ah la bilaabeyso Iran, kaas oo la xiriira barnaamijkeeda sameysashada ee hubka nuclear-ka iyo sidii ay
Dad badan oo muhaajiriin ah oo kunool gobollo katirsan dalka Mareykanka, ayaa haatan waxaa soo wajahay walaac kale oo hor leh, kaddib markii dowladda Madaxweyne Trump soo saartay amar cusub
Wararka ka imaanaya gobolka Shabeellaha Dhexe ayaa sheegaya in aroorninadii hore ee saakay ciidamada xoogga dalka iyo kuwa deegaanka howlgal qorshaysan kaga saareen deegaanka Geelgub ee gobolka Shabeellaha Dhexe maleeshiyaadka
