Home Wararka ugu Muhiimsan War deg deg Ah:- Shirka Dhuusomareeb oo lagu kala dareeray Saaka

War deg deg Ah:- Shirka Dhuusomareeb oo lagu kala dareeray Saaka

0

Shirka wadatashiga magaalada Dhuusomareeb uga socday Madaxda dowlada federaalka iyo kuwa maamul goboleedyada ayaa qarka u saaran in gabi ahaan  lagu kala tago kuna soo dhamaado shirkaasi fashil.

Madaxda Dowlada federaalka iyo kuwa maamul goboleedyada oo labo garab u kala jabsan ayaa isku mari waayay qodobada qaar ee shirka gaar ahaan arinta gobolka Gedo ay isku hayaan Madaxweyne Farmaajo iyo Madaxweynaha Jubbaland.

Sida aan wararka ku helnay Madaxda Puntland iyo Jubbaland ayaa isaga baxay shirka kadib markii lagu guul dareestay in xal laga gaaro arinta gobolka Gedo oo la sheegay in Madaxweyne Farmaajo ka biyo diiday in Jubbaland saameyn ku yeelato gobolaasi.

Madaxweynaha maamulka Galmudug Axmed Cabdi Kaariye ayaa caawa wada dadaalo uu ku doonayo in shirka mar kale dib u furmo kuna soo laabtaan Madaxda maamulada Puntland iyo Jubbaland.

Qoor Qoor ayaa caawa howgooda ku booqday Madaxda maamulada Puntland iyo Jubbaland, waxa uuna kala hadlay sidii ay shirka ugu soo laaban lahaayeen si loo gaaro is afgarad arimaha qaar ee muranka ka taagan yahay.

Magaalada Dhuusomareeb waxaa caawa ka socdo kulamo kala duwan oo xal loogu raadinayo shirka wadatashiga ee ku dhaw in ay ku kala tagaan Madaxda Dowlada federaalka iyo kuwa maam ul goboleedyada.

Beesha caalamka ayaa sidoo kale wada dadaalo la doonayo in shiorka lagu bad baadiyo ayna madaxda mar kale isugu soo laabtaan shirka, waxa ayna Beesha caalamka madaxda DF iyo kuwa maamulada ku cadaadineysaa in ay is afgarad gaaraan.

Ad
Previous articleBeesha Caalamka oo ku guuleysatay Shir Jaraa’id uu qaban lahaa Axmed Madoobe
Next articleDhageyso:- Dowlada Somaliya oo Fashilka Shirka Dhuusomareeb ku eedeesay Dowladda Shisheeye

LEAVE A REPLY

Please enter your comment!
Please enter your name here