Ciidamada Puntland ayaa weerar ku qaaday beerta Nabadoon Yaasiin Cabdisamad ee magaalada Gaalkacyo, halkaas oo uu afur ugu sameeyey Nabadoonku, wasiirka arrimaha dibada Soomaaliya Cabdi Siciid iyo caruurtiisa oo dhawaan qoys u tagay magaaladaas, maadaama ay qaraabo yihiin.
Inta la xaqiijiyey ilaa hadda hal askari oo kamid ahaa ilaalada wasiirka Arrimaha dibada Soomaaliya ayaa kugeeriyooday weerarkan, waxaana dhaawacmay Nabadoon Yaasiin Cabdisamad iyo sarkaal kamid ah kuwa Puntland.
Yasin ayaa dhawaan usoo jeediyey Siciid Deni in uu wareejiyo xilka Madaxweyne-nimada Puntland, maadaama Federaalka isku sharaxay.
3-dii sanno ee lasoo dhaafay Puntland kala aragti duwanaanshaha ayaa mamnuuc ahaa, dhacdooyinka siyaasadeed ayaana mar kasta lagu wajahayay awood ciidan.
