Kulan Nabadeed oo ay iskugu yimaadeen Beelaha Sacad iyo Leelkase ayaa maantay ka dhacay degaanka Taarroge ee Galbeedka magaalada Gaalkacyo.
Kulankaan Nabadeed ayaa waxaa soo agaasimay dhaqanka Beesha Sacad waxayna raali galin ka bixiyeen dhacdo maalmo ka hor ka dhacay Deegaanka Taaroge
Dhaqanka labada dhinac ayaa isla qaatay inay ka wada-shaqeeyaan Amniga Deegaanka iyo daris wanaaga Beelahaasi waxayna adkeeyeen in lasii wado Heshiiskii Nabadeed ee Bandiiradleey iyo Galdogob 2020
Agaasimaha Nabadda iyo dib u heshiinta Gobolka mudug C/raxiin Maxamed Cali ayaa ku amaanay dhaqanka, Waxgaradka,Dhalinyarada iyo Culimada Deegaanka ee Beelaha Sacad iyo Leelkase siday u wada qaateen Xoojinta Amniga, Wada noolaashaha Bulshada walaalaha ah iyo xariirka soo jireenka ah ee Beelahaas waxuuna tilmaamay in Maamulka Gobolka mudug dhiiro galinayo Amniga Gobolka mudug iyo wada nolaashaha Bulshada Galmudug iyo Puntland.
