Dawladda Soomaaliya ayaa sheegtay in ay soo afjartay weerarkii ay kooxaha Argagixiso kuqaadeen mid kamid ah Hotelada caasumada dalka ee Muqdisho, kaas oo galaaftay nolosha in ka badan 20 qof oo iskugu jira qeybaha bulshada iyo Ciidamada dawladda.
Saraakiisha Amniga ayaa sheegay in howlgalkan uu qaatay wax ka badan 30-saacadood oo xariir ah, iyadoo ay kooxaha Argagixisadu qeybaha Hotelka kageysteen ficilo arxan-daran, iyadoo yoolkoodu yahay gumaadka bulshada.
Al Shabaab ayaa xalay sheegtay in qaar kamid ah kooxdii weerarka geysatay ay ka laabteen dhismahan, taas oo ay su’aalo badan kadhasheen, waxaana kahor shaacinta warkoodan goobta dagaalka tagay Agaasimaha NISA Mahad Salaad, xiligaas oo ay soo baxeen macluumaad cadeynayay in ciidanka dawladda ay baneeyeen gudaha Hotelka qeybaha ay kajoogeen si loo dumiyo dhismahaba.
Dawladdu ma bixin Faahfaahin dheeraad ah oo kuwajahan Ficilkan Argagixiso, iyadoo laamaha Amnigu diideen in ay jawaab kadhiibaan kooxdii weerarka soo qaaday in ladilay iyo In kale.
