Saraakiisha laamaha amaanka waqooyiga gobolka Mudug ee Puntland ayaa baaritaano ku wado dad ku eedeysan dilka nabaddoon Cabdiqani Xasan Xuseen (Walloore) kuwaas oo dhowaan lagu qabtay howlgal ka dhacay Gaalkacyo.
Saraakiil u hadashay Puntland ayaa warbaahinta gudaha u sheegtay in eedeysanayaasha su’aalo weydiintooda ay ka socoto xabsi gaar ah oo ku yaala Gaalkacyo qeybta ay ka arrimiso maamulka Puntland, iyadoo la filayo in maxkamadaha loo gudbiyo.
Nabaddoonka ayaa bil ka hor lagu dilay bannaanka hore ee masjid lagu magacaabo Macmuur oo ku yaalla xaafadda Garsoor ee magaalada Gaalkacyo xilli fiid ah oo ku beegnayd 16 June 2022.
Sidoo kale marxuumka aabbihiis Xasan Xuseen Walloore ayaa la dilay isagoo ka soo baxay isla masjidkaas Macmuur  xilli fiid ah oo ku beegnayd 8 August 2011.
