Gabar 11 sana jirta oo loo Magaacabay inay Noqoto Danjire(Sawiro)

Gabar 11-sano jir ah oo lagu magacaabo Sharon Ringo, ayaa loo magacaabay in ay noqoto danjiraha dalka Tanzaaniya u qaabilsan arrimaha dalxiiska, waxaana magacaabista gabadhan si weyn u hadal haya Warbaahinta caalamka.

Sharon Ringo, oo ah gabar kusoo caan baxday ka shaqeynta nadaafada iyo daryeelka deegaanka ayaa dowlada Tanzaaniya u garatay in ay u magacawdo danjiraha u qaabilsan arrimaha dalxiiska .

„Waxaan u maleeynayaa in ay tahay arrin wanaagsan, sababtoo ah ma ahan arrin sahlan in aad danjire noqotid adiga oo carruur ah” ayey tiri Sharon Ringo oo ka falcelineysay magacaabista Danjiraha dalxiiska qaabilsan.

Gabadhan oo kunool magaalada Daarusalaam ayaa ah mid ku wanaagsan dhinaca waxbarashada, waxa ay sidoo kale magaalooyin kala duwan oo kuyaala dalka Tanzaaniya ku beertay in ka badan 200- oo geed.