Ciidamada booiiska Soomaaliya, gaar ahaan kuwa ka howlgalla saldhigga degmada Dayniile , ayaa lagu wareejiyay nin dhallinyaro ah oo shalay afaafka hore ee xarunta degmada Dayniile ku dilay nin kale oo la sheegay in ay saaxiibo ahaayeen gacankudhiiglaha.
Cabdulahai Cabdi Diinle (Buurane), ayaa dil u geestay Siciid Mustaf Axmed oo la sheegay in ay ahaayeen saaxiibo, ilaa haddana lama shaacin sababta keentay dilkan, ninka dilka geestay ayaana si deg deg ah uga baxsaday goobtii uu dilka ka geestay.
Sida aan wararka ku helnay ninka gacankudhiiglaha ah ayaa gabaad u tagay guri ay leeyihiin xubno ay qaraabo yihiin, hasa ahaatee qoyska wiilkan ayaa la sheegay in ay go’aansadeen in aysan qarin , waxa ayna ku wareejiyeen laamaha amaanka dowladda oo hadda ninkan gacanta ku haya.
Tallaabada ay qaadeen qoyska ninkan dilka geestay ayaana la sheegay in ay soo dhaweeyeen qoyska wiilka laga dilay, waxaana lagu wadaa in maanta qabuuro kuyaalla degmada Dayniile lagu aaso marxuum Siciid Mustaf Axmed oo ku baxay gacanta wiil kale oo ay saaxiibo ahaayeen.
Maleeshiyaad aad u hubeysan oo ka tirsan kooxda Al-Shabaab ayaa maanta mar kale lagu arkay miyiga ku xeeran magaalada Baydhabo ee gobolka Bay sida ay sheegayaan dadka deegaanka iyo qaar
Ciidamada Puntland ayaa shalay hawlgal ballaaran ka fuliyey dooxada Miraale, halkaas oo ay ku dileen dagaalamaayal ka tirsan kooxda Daacish oo halkaas ku dhuumaalaysanayey muddo dheer. War kooban oo kasoo
Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu qarxay kadib markii maleeshiyaad ay taageerto Soomaaliya ay
