Ciidamada dowladda ayaa sheegay in 19 ka tirsan Al-Shabaab ay ku dileen Tuulada Muryaale oo u dhaxaysa degmooyinka Basra iyo Balcad ee gobolka Sh/dhexe.
Howlgalkan ayaa yimid ka dib markii laga war helay in dagaalyahano ka tirsan Alshabaab ay xalay isku soo aruursadeen tuuladaas, sida uu xaqiijiyay Afhayeenka Wasaaradda Amniga Cabdikaamil Shukri Macalin.
“Ciidamada oo helay xogta Argagixisada ayaa waday roondo xiliga uu dagaalku dhacay, waxaana ciidamadu ay wali ku raad joogaan firxadka Argagixisada” ayuu yiri Afhayeenka.
Ciidanka Dowladda Soomaaliya ayaa si joogta ah howlgalo uga sameeya inta u dhaxaysa degmooyinka Balcad ilaa iyo Afgooye, tan iyo markii ay alshabaab ka saareen degaanka Basra oo kooxdan ay ku laheyd maxkamad iyo farsiisin weyn.
