Waxaa goordhaw soo dhammaatay wareega koobaad ee doorashada guddoomiyaha Aqalka Sare ay ku tartamayeen saddex musharax oo kala ahaa Cabdi Xaashi Cabdullaahi, Saalax Axmed Jaamac iyo Cusmaan Abokor Dubbe .
Doorashadan oo loo galay olole xoogan ayaa lagu kala baxay wareegii koobaad,waxaana ku guuleestay guddoomiyihii hore ee Aqalka Sare Cabdi Xaashi Cabdullaahi oo helay 28-cod halka musharaxii kusoo xigay Saalax Axmed uu helay 24- Musharax Dubbe ayaa helay 2-cod.
Sida ay shaaciyeen guddiga doorashada wareega koobaad ee doorashada ayaa waxaa ku guuleesanaya musharaxii hela 28-cod, waxaana codadkaasi helay guddoomiyihii hore ee Aqalka Sare Cabdi Xaashi Cabdullaahi.
Doorashada goordhaw dhacday ayaa guul daro kasoo gaartay kooxda Nabad iyo Nolol uu hormuud u yahay Madaxweyne Farmaajo, waxaana doorashada kusoo baxay Cabdi Xaashi oo kahor yimid damacii Farmaajo ee muddo kororsiga.
Natiijada doorashada guddoomiyaha Aqalka Sare ayaa sare u qaadeysa rejo xumada nidaamka Nolol iyo Nabad, waxaana la filayaa in beri iyana la qabto doorashada guddoonka gollaha shacabka.
