Kulankaan oo ka dhacay xafiiska Degmada Cadaado ayaa waxaa ku wehliyey gudoomiyaha Gudoomiye ku xigeenkiisa cadaado Nuur Yaroow Xayle iyo xoghayaha Degmada cadaado Duraan Goodir waxaana looga hadlayey Hormarinta Mashaariicda Hormarineed ee Save gacanta ku hayso iyo ku darista kuwo kale.
Save oo xarunteeda ugu wayn ee Galmudug ku leh Cadaado ayaa madaxdeeda ugu saraysa ee maanta booqashada ku yimid Xarunta Degmada cadaado uuna wehliyo madaxda Save ee Galmudug Cabdicasiis Xuseen waxa ay sidoo kale kormeereen isbitaalka guud ee degmada oo Hay,addaan ay gacanta ku hayso.
waxa ayna la kulmeen madaxda isbitaalka iyo hogaanka bulshada ee ka shaqeeya hormarinta isbitaalka iyagoona Balan qaaday in ay sii xoojin doonaan Adeegyada Muhiimka ah ee Bulshada u hayaan.
Gudoomiyaha Cadaado C/laahi C/raxmaan (Tootoole) ayaa shahaado sharaf gudoonsiiyey madaxda Hay,adda Save shaqooyinka ay degmada iyo deegaanada hoos yimaada ka wado awgeed.
Ad
