Madaxweyneyaasha maamullada Jubbaland iyo Puntland ayaa la filayaa in maanta ama beri ay soo gaaraan magaalada Muqdisho ee caasimadda Soomaaliya si ay uga qeyb galaan Shir Todobaadkaan Gudahiisa Muqdisho ka qabsoomaya.
Madaxweyne Axmed Maxamed islaam madoobe iyo Madaxweyne Saciid Cabdullahi dani oo Marar badan Shuruurdo adag ku xiray Shirar uu Ku baaqay Madaxweyne Farmaajo ayaa Muqdisho ku soo wajahan.
Sidoo kale wararka aan helnay ayaa Tibaaxaya in u jeedka imaashahooda Muqdisho uu ka dambeeyo, kadib cadaadis uga yimid xubnaha beesha caalamka ee Fadhigoodu yahay Xerada Xalane.
Wararka ayaa sidoo kale intaasi ku daraya inay ka qeyb-geli doonaan shir kale oo garoonka Diyaaradaha Aadan Cadde ee Muqdisho ku dhex-mari doono madaxda dowladda dhexe iyo dowlad goboleedyada dalka, kaas oo ay garwadeen ka tahay beesha caalamka.
Ujeedka shirka ayaa ah si loo dhameystiro Hishiiskii 17ka Septeembar 2020, kaasi oo qeexaya habraacyo muhiim u ah doorashooyinka dalka, maadaama weli muran xoogan uu ka taagan yahay.
Madaxda Puntland iyo Jubbaland ayaa Loo arkayay inay Garwadeen ka yihiin Khilaaf xoogan oo ka taagan Arimaha siyaasada dalka.
Arrimahan ayaa ku soo aadaya, iyadoo haatan dalka uu ku jiro xaalad siyaasadeed oo cakiran iyo marxlad adag oo kala guur ah.
