Wasiirada Dowlada Federaalka Soomaaliya oo liiska Argagixisada Ka Saaray ONLF dhiibistii Qalbi Dhagaxna Ka Hadlay

Golaha Wasiirada Xukuumadda Soomaaliya ayaa u codeeyay in dhiibistii C/kariin Qalbi Dhagax ay aheyd sharci darro iyo qalad weyn, iyagoo ka saaray ONLF inuu yahay Urur Argagixiso.

Wasiirada ayaa inta badan u codeeyay qaraarkaas maanta la horkeenay Golaha Wasiirada, iyadoo Wasiirka kaliya ee diiday uu ahaa Wasiir Beyle, halka uu ka aamusay Wasiir Xamse Maxamed Xamse.

Golihii Wasiirada ee Xukuumaddii Ra’iisul Wasaarihii hore Xasan Cali Kheyre ayaa sanadkii 2017 u aqoonsaday ONLF inay tahay Urur Argagixiso ah, sidoo kalena sharci ka dhigtay go’aankii dhiibistii C/kariin Qalbi Dhagax.