Safiirkii Imaaraadka u joogay Soomaaliya oo la bedelay iyo mid cusub oo la magaacabay

Dowladda Imaaraadka Carabta ayaa bedeshay safiirkoodii u joogay Soomaaliya Mohamed Ahmed Othman Al Hammadi, waxaana safiirka lagu bedelay mid cusub oo dhawwaan shaqada kala wareegaya.

Wasaaradda Arrimaha Dibadda iyo Iskaashiga Caalamiga ee Dowladda Imaaraadka Carabta ayaa qoraal ay soo saartay ku sheegtay in Ahmad Juma Al Rumaithi, uu noqonayo safiirkooda cusub ee u fadhin doona Soomaaliya.

Dowladda Imaaraadka Carabta ayaa isbadal ku sameesay qaar kamid ah safiiradda dalalka caalamka u jooga, waxaana safiirkii Soomaaliya u joogay Mohamed Ahmed Othman Al Hammadi sannado kaddib ka tagayaa shaqadii uu Soomaaliya ka hayay.

Safiirka cusub ee dowladda Imaaraadka u soo magacawday Soomaaliya,  Ahmad Juma ayaa la filayaa in uu soo gaaro magaalada Muqdisho una gudbiyo madaxweynaha dalka warqada aqoonsiga safiirnimo.