Ciidamada Ruushka ayaa maanta gantaallo ku garaacay caasimadda Ukraine ee Kyiv, waxaana ka dhashay qaraxyo waaweyn iyo khasaare kala duwan
Duqa magaalada Kyiv Vitali Klitschko ayaa sheegay in gaadiidka gurmadka degdega ah iyo shaqaalaha gurmadka ay gaareen goobta duqeyntu saameysay
Mid ka mid ah Gantaalada ayaa ku dhacay dhismo ay dad degan yihiin, waxaana ku dhintay hal qof, iyadoo ay ku dhaawacmeen afar kale oo ay ku jirto gabadh 7 jir ah.
Qaraxyo dhowr ah ayaa sidoo kale laga maqlayaa Kyiv, sarkaal ku sugan gudaha Ukriane ayaa xaqiijiyay in ugu yaraan lix qarax ay ka dhaceen magaalada caasimadda ah ee Kyiv.
Ukraine ayaa ku dhawaaqday shalay oo sabti aheyd in ciidamada Ruushka ay la wareegeen magaalada istiraatiijiga ah ee Severodonetsk, kadib duqeymo ba’an oo halkaas ka dhacay.
