Markab xamuul ah oo sida badeecad ganacsi ayaa markii u horraysay maanta ku xirtay dekedda Garacad ee Gobolka Mudug.
Inkastoo dekedda ay horey ugu soo xirteen maraakiib qalab dhisme u siday isla dekeda haddana markabkan waa kii u horreeyay ee badeecad ganacsika dejinaaya dekedan.
Markabkan oo lagu magacaabo AK Hamburg ayaa si nabdoon ugu xirtay dekedda si uu u dejiyo badeecadaha ganacsi ee uu sido oo ay leeyihiin ganacsato reer Puntland ah.
Dhismaha Wejiga koowaad ee dekedda Garacad oo la dhameystiray ayaa lagu wadaa in Sabtida berri ah la daah-furo waxaana ka qayb-galaya wufuud kala duwan.
Madaxweynaha Somalia Xassan Shiikh Maxamuud, Madaxweynaha degaanka Soomaalida Mustafe Cagjar iyo wufuud kale oo ka socita dalalka gobolka ayaa lagu casuumay furitaanka dekeda oo lagu dhisay isku tashi dadweyne.
