Mareykanka ayaa si cad u diiday inuu taageero qorshaha Qaramada Midoobay ee lagu maalgelinayo ciidamada nabad ilaalinta Midowga Afrika ee AUSSOM, kuwaas oo ka howlgala Soomaaliya.
Tallaabadan ayaa dhalisay walaac weyn oo la xiriira mustaqbalka howlgalka caalamiga ah ee la dagaallama kooxda Al-Shabaab. Diidmada Mareykanka ayaa imaaneysa iyadoo Golaha Ammaanka uu qorsheynayo inuu 15-ka Maajo u codeeyo qaab-maaliyadeedka isku-dhafka ah ee ku saleysan Qaraarka 2719.
Markii hore, Mareykanku wuu ka aamusay codsigii hore ee la xiriiray maalgelinta AUSSOM, balse hadda wuxuu si cad u sheegay inuusan taageereyn qorshahaas. Afhayeen u hadlay Wasaaradda Arrimaha Dibadda ee Mareykanka ayaa 8-dii Abriil u sheegay warbaahinta PassBlue in Mareykanku u arko in Soomaaliya aysan ku habboonayn in lagu tijaabiyo maalgalinta isku-dhafka ah sida uu tilmaamayo Qaraarka Golaha Amamanka ee tirsigiisu yahay 2719.
Waxa uu intaas ku daray in nidaamkaasi uu niyad-jab ku yahay xalinta mushkiladaha, wuxuuna ka gaabsaday inuu faahfaahin dheeraad ah ka bixiyo sida ay u wajahaan codbixinta Golaha.
Xoghayaha Guud ee Qaramada Midoobay António Guterres ayaa sidoo kale muujiyay walaac xoogan. Warbixin uu 10-kii Abriil u gudbiyay Golaha Ammaanka ayuu ku sheegay in dhaqaale la’aanta jirta ay si weyn halis ugu tahay hawlgalka AUSSOM.
Guterres wuxuu ugu baaqay beesha caalamka in la taageero codsiga maalgelinta si loo helo nidaam dhaqaale oo waara oo la saadaalin karo, taasoo muhiim u ah nabadda iyo xasilloonida Soomaaliya.
Maleeshiyaad aad u hubeysan oo ka tirsan kooxda Al-Shabaab ayaa maanta mar kale lagu arkay miyiga ku xeeran magaalada Baydhabo ee gobolka Bay sida ay sheegayaan dadka deegaanka iyo qaar
Ciidamada Puntland ayaa shalay hawlgal ballaaran ka fuliyey dooxada Miraale, halkaas oo ay ku dileen dagaalamaayal ka tirsan kooxda Daacish oo halkaas ku dhuumaalaysanayey muddo dheer. War kooban oo kasoo
Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu qarxay kadib markii maleeshiyaad ay taageerto Soomaaliya ay
