Wararka naga soo gaaraya gobolka Galgaduud ayaa sheegaya in xalay dhacdo xanuun badan ay ka dhacday degmada Caabudwaaq ee waqooyiga gobolkaasi, taas oo loo gaystay Hooyo Soomaaliyeed.
Hooyada oo lagu magacaabi jiray Foos Aadan Nuur ayaa waxaa si arxan darro ah u dilay kooxo hubeysan, kuwaas oo goobta isaga baxsaday dilka dhacdada.
Falkan ayaa si gaar ah uga dhacay xaafadda Ubax ee degmadaasi, waxaana la sheegay in xilliga la dilayay marxuumadda ay kusii jeeday gurigeeda.
Ilo dadka deegaanka ah ayaa innoo sheegay in dableyda dishay haweeneydan ay waddada u galeen, kadibna ay rasaas kala dhaceen qaybaha sare , taas oo sababtay geerideeda.
Wararka ayaa sheegaya in ragga hubeysan ay ahaayeen burcad dooneysay inay dhacaan marxuumadda, balse markii ay wax ka waayeen ay sidaas ku dileen.
Ciidamada ammaanka ayaa goobta gaaray kadib dhacdada, balse kuma guuleysan inay soo qabtaan raggaasi oo goobta ka cararay.
Caabudwaaq ayaa waxaa horay uga dhacayay dilal qorsheysan, kuwaas oo inta badan salka ku haya dhacdooyin aano qabiil oo ka jira halkaasi.
Dilka haweeneydan ayaa kusoo aadayo, xilli magaalooyin kale oo ku yaalla dalka lagu dilay gabdho Soomaaliyeed, taas oo walaac ku abuurtay guud ahaan dadka Soomaaliyeed.
Warbaahinta Israa’iil ayaa baahiyay in diyaarad nuuca wax basaas ah oo ay lahaayeen milatariga Israa’iil shalay ku dhacday meel ku dhaw marinka Qasa ee dhulka Falastiin, kaddib marki la sheegay
Xulka Qaranka Soomaaliya ee da'doodi ay ka yar tahay 17 jirada ayaa maanta wajihi doona xulka Qaranka dalka Tunisia ee da'doodi ka yartahay 17jira tartanka 15aad ee Koobka Qaramada Qaarada
Taliska hay'adda Nabadsugidda iyo Sirdoonka Qaranka Soomaaliyeed ee NISA ayaa shaaca ka qaaday in howlgal Xalay ka dhacay deegaanka Geelgub oo ka tirsan gobolka Shabeelaha Dhexe lagu dilay xubno ka
