Guddigii loo saaray baaritaanka gafkii ka soo yeeray Taliyaha Ciidanka badda ayaa la sheegay inay go’aan gaareen, inkastoo cadaadis ay kala kulmayaan dhanka Madaxtooyada oo ku saabsan shaacinta go’aankaas.
Xogta aan ka heleyno Xubnaha Guddiga baaritaanka waday oo ka kooban shan Generaal, ayaa la sheegay inay isku raaceen falka uu ku kacay Taliyaha ciidanka Badda uu ahaa mid aad u baalmarsan anshaxa Ciidanka, waxayna go’aamiyeen in xilka laga qaado sida ku cad warqad ku taariikhaysnayd XTCC/2084/12/21 taas oo loo diray Taliyaha Ciidanka Xooga dalka Odawaa Yuusuf Raage.
Wararka ayaa sheegaya in Taliyaha ciidanka xoogga dalka Jen. Odawaa go’aanka guddiga uu ka horyimid, isla markaana dib ugu diray Warqad sumadeedu aheyd XTC/XDS/1757/21 oo uu Guddiga ku waydiinayo su’aalo ay horay uga jawaabeen iyo handadaad ka dhan guddiga.
Ilo wareedyada ayaa sheegaya in Wasiirka Gaashaandhiga oo markii hore amray baaritaanka aan lala wadaagin jawaabtii Guddiga.
Ad
