Wararka ka imanaya degmada Ceelbuur ee Gobolka Galgaduud ayaa sheegaya in Ciidamo ka tirsan Galmudug inay weerar qorshaysan ku qaadeen fariisin ay ku sugnaayeen xubno ka tirsan argagixisada Al-Shabaab.
Guddoomiyaha degmada Ceelbuur Nuur Xasan Guutaale ayaa warbaahinta u sheegay in howlgalkaas lagu dilay laba ka mid ah argagixisadii ku sugnayd deegaanka Baruujeed oo hoostaga degmada Ceelbuur.
Dhinacakale masuuliyiin ka tirsan Galmudug ayaa sheegay in hawlgallo ka dhan ah argagixisada Al-Shabaab ay ka socdaan deegaano ka tirsan gobolka Galgaduud, balse weli faahfaahin kama bixinin weerarkaan u dambeeyey ee ka dhacay duleedka Ceelbuur
Ad
