Taliyaha Sectorka 4-aad ee Ciidanka ATMIS oo maanta Dhuusamareeb soo gaarey ayaa ku dhawaaqey in aysan gacmaha ka laaban doonin Ciidankooda Dhuusamareeb jooga kooxda Ahlusunna ee qorsheynaysa in ay Dhuusamareeb soo weerarto.
Col. Xasan Jaamac, Taliyaha Sectorka 4-aad ee ATMIS oo imaatinkiisa kadib kulan wada-shaqeynta amniga ah la yeeshay saraakiisha Ciidamada amaanka ayaa amar buuxa siiyey Ciidamadiisa Dhuusamareeb jooga oo la farey in saraakiishoodu si joogta ah ula shaqeeyaan Ciidanka federaalka iyo kuwa Galmudug ee ku howlan sidii Caasimada looga difaaci lahaa kooxaha duulaanka ku ah.
Kulankan ayay ka qayb galeen Taliyaha Qaybta 21-aad General Cabdi Jaamac Cigaal, Taliyaha Howlgalinta GorGor Maxamed Dhagawayne iyo Saraakiisha kale ee Ciidanka GorGor.
