Ciidamada Amaanka Magaalada Muqdisho oo Gacanta Kusoo Dhigay Rag Garowe Dad kusoo laayay

Ciidanka Booliska Gobolka Banaadir ayaa xalay gacanta ku dhigay koox ku eedeysan inay dil iyo dhaawac ka soo geysteen magaalada Garowe, raggaan ayaa la sheegay in Muqdisho lagu qabtay iyagoo baxsad ah.

Kooxdaan oo ka kooban seddax rag ah ayaa ku eedeysan dilka muwaadin lagu magacaabi jiray Cabdullaahi Jeylaani iyo dhaawaca Hanad Xasan Cawil.

Taliska Qeybta Guud ee Booliska Gobolka Banaadir oo horay loogu soo gudbiyay xogta eedeeysanyaashaan ayaa xalay labo kamid ah raggaan ka soo qabtay guri ku yaalla degmada Shibis, halka midka kale laga soo qabtay degmada Xamar-Jajab.