Madaxweyne Xasan Sheekh ayaa galabta dib ugu soo laabtay Dhuusamareeb si uu usii wado dhameystirka wajiga koowaad ee dagaalka kooxda Alshabaab looga Saaraayo Galmudug.
Xasab Shiikh ayaana Kasoo Duulay Koonfurgalbeed oo kaga Dhawaqay Dagaalka Wajiga Labaad oo Deeganadaas Dhawaan ka Bilaaban Doona.
Dhanka Galmudug ayaa waxaa hakad Galay Dagaalkii kasocday Koonfurta gobalka Mudug Waxaana La Filayaa in Todobaadkaan Dib loo bilaabo madaama Madaxweyne Xasan Shiikh galabtay laabtay.
Dagaal udhaxeeya Laba Horjooge oo kawada tirsan Alshabaab ayaa ka dhacay Galabtay degaanka Biyo oo u dhexeeya tuulada Burujeed iyo Magaalada Ceelbuur ee gobolka Galgaduud.
Dadka deegaanka barujeed ayaa ku waramaya in ay maqlayeen dhawaqa hubka kooxdu isku adeegsaneyso waxaana dagaalka ka dhashay khasaare xooggan oo Alshabaab kala gaaray.
Dagaalka ayaa ka dhashay khilaaf salka ku haya dagaalkii maalmo ka hor Alshabaab ku qaadday Barujeed oo horjoogihii Maleyshiyaadka xukumayay oo guriceel ka soo jeeday uu diiday inuu weerarkaas qaado isla markaana xabsiga la dhigay.
Saddex horjooge iyo maleyshiyaad fara badan ayaa wararku xaqiijinayaan in dagaalka ay ku geeriyoodeen in kastoo aan wali magacyadooda la helin.
