Taliyaha Ciidanka Asluubta Soomaaliyeed Janeraal Mahad Cabdiraxmaan Aadan ayaa sheegay in Ciidamada Asluubta aysan aheyn kuwo loogu talo galay in dadka dilaan, isla markaana ay yihiin Ciidan Qaran oo dadk badbaadinayay.
Taliyaha oo u muuqday mid ka jawaabayay is rasaaseyntii shalay dhex-martay ilaalada Madaxweynihii hore ee dalka Xasan Sheekh Maxamuud & Ciidanka Asluubta ayuu sheegay in Ciidanka Asluubta mudan yihiin in raali gelin la siiyo.
Madaxdii hore ee dalka gaar ahaan Madaxweynihii hore ee Soomaaliya Xasan Sheekh Maxamuud oo Kolonyo gelibeysay la rasaaseeyay ayuu sheegay in looga baahan yahay inay raali gelin ka bixiyaan wixii dhacay.
Taliyaha Ciidanka Asluubta Soomaaliyeed Janeraal Mahad Cabdiraxmaan Aadan ayaa sidoo kale sheegay in wadada hormarta Maxkamadda Gobolka Banaadir iyo Wasaaradda Cadaaladda ay tahay midda ugu amniga wanaagsan loogana baahan yahay cid kasta oo mareysay inay si cadeeyso.
Isaga oo faah faahin ka bixinayay sida uu dagaalka u dhacay ayuu sheegay in mid kamid ah gaadiidka gelbineysay Xasan Sheekh oo xoog ku dhaafay Koontoroolka ay ku sugan yihiin Ciidamada Asluubta, kadibna uu rasaas ku siday Ciidamada
Ugu dambeyn Taliyaha Ciidanka Asluubta Soomaaliyeed Janeraal Mahad Cabdiraxmaan Aadan waxaa uu sheegay in qof walba oo marayay wadooyinka soo gala Maxkamadda Gobolka Banaadir iyo Xabsiga dhexe la hubinaayo xataa hadii uu yahay mas’uul, sidoo kalena qofkii Xabad kusoo rida ay xabad ugu jawaabayaan.
