Dagaalyahano katirsan Al Shabaab ayaa xalay weerar gaadmo ah ku qaaday askar katirsan ciidanka milatariga dowladda Soomaaliya oo ku sugnaa beer kutaalla degmada Buurdhuube ee gobolka Gedo.
Wararka aan heleyno ayaa sheegaya in Al Shabaab weerar kedis ah ku qaadeen askartan katirsan milatariga Soomaaliya, waxa ayna halkaasi ku dileen qaar kamid ah ciidamada halka kuwa kalana ay dhaawacmeen.
Inta la xaqiijiyay saddex askari oo katirsanaa ciidanka weerarka gaadma ah lagu qaaday ayaa goobtaasi lagu dilay, waxaana weerarka kaddib halkaasi isaga tagay kooxdii hubeesneed ee weerarka ku qaaday.
Ciidamo katirsan dowladda ayaa saakay tagay goobta weerarku ka dhacay, waxa ayna ciidamada halkaasi kasoo qaadeyn meydadka askarta la dilay, waxa ay sidoo kale sameeyeen howlgalo ay ku raadinayeen kooxdii weerarka qaaday.
Al Shabaab ayaa weeraro kadis ah mararka qaar ku qaada ciidamada dowladda ee ku sugan qeybo kamid ah gobolka Gedo, waxaana weeraradan khasaaro kasoo gaaraan ciidanka dowladda ee weerarada lagu qaado.
Taliska Mareykanka ee Afrika (AFRICOM), oo kaashanayay Dowladda Federaalka Soomaaliya, ayaa 15-kii Abriil 2025 duqeyn cirka ah ka fuliyay gudaha Soomaaliya, si loo burburiyo hub casri ah oo saarnaa dooni
In ka badan 35 xubnood oo ka tirsan kooxda Al-Shabaab ayaa lagu dilay howlgal culus oo ay si wadajir ah u fuliyeen Ciidanka Xoogga Dalka Soomaaliyeed iyo Daraawiishta Koonfur Galbeed.
Madaxweynaha dowladda Fedaraalka Soomaaliya Xasan Sheekh ayaa si faahfaahsan uga hadlay dagaalka dowladiisa kula jirto kooxda Al-shabaab ee ka socda inta badan gobolada dalka. Madaxweyne Xasan Sheekh oo u muuqday
