Midowga Afrika ayaa qorsheeyey in wadahadalada u dhexeeya dawladda Ethiopia iyo kooxda Tigray ee TPLF ay ka dhacaan dalka Koonfur Afrika, bishan October 24-keeda sida laga soo xigtay masuliyiin ka tirsan dowlada Itoobiya.
Wadahadalkan oo dhowr jeer oo hore qabsoomi waayey ayaa la doonayaa in lagu soo afjaro colaadda wakhtiga dheer qaadatay ee ka socotay gobolka woqooyi ee Tigray.
Warkan ayaa ku soo beegmaya xili maalmo ka hor dawladda federaalka Ethiopia ay sheegtay inay gacanta ku dhigeen saddex magaalo oo istaraateji ah oo ku yaalla gobolka Tigray, sida magaalada Shire oo ay ku nool yihiin dadka ugu badan ee ku barakacay dagaalada ka socda gobolkaas.
Maalmihii la soo dhaafay, waxaa diblomaasiyiintu ay ku boorrinayeen dawladda Ethiopia iyo ciidamada Tigrayga inay isla meeldhigaan xabbad joojin degdeg ah, iyada oo xoghayaha guud ee Qaramada Midoobay Antonio Guterres uu ka digay xaaladda ka jirta woqooyiga Ethiopia isagoo ku tilmaamay in xaaladdu ay faraha ka sii baxayso.
Maleeshiyaad aad u hubeysan oo ka tirsan kooxda Al-Shabaab ayaa maanta mar kale lagu arkay miyiga ku xeeran magaalada Baydhabo ee gobolka Bay sida ay sheegayaan dadka deegaanka iyo qaar
Ciidamada Puntland ayaa shalay hawlgal ballaaran ka fuliyey dooxada Miraale, halkaas oo ay ku dileen dagaalamaayal ka tirsan kooxda Daacish oo halkaas ku dhuumaalaysanayey muddo dheer. War kooban oo kasoo
Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu qarxay kadib markii maleeshiyaad ay taageerto Soomaaliya ay
