Wasiirka Arrimaha Dibadda iyo Iskaashiga Caalamiga, Mudane Abshir Cumar Jaamac, ayaa maanta ku qaabilay Xafiiskiisa Wasaaradda, Siihayaha Safaaradda Jamhuuriyadda Jabuuti ee Jamhuuriyadda Federaalka Soomaaliya, Mudane Maxamed Rashiid Ibraahim, oo booqasho sharafeed ugu yimid.
Siihayaha Safaaradda Jabuuti ayaa u hambalyeeyay Wasiirka cusub ee Arrimaha Dibadda, Mudane Abshir Cumar Jaamac, isagoo u rajeeyay inuu guul joogta ah ka gaaro howlaha loo igmaday , waxa uu bogaadiyay xiriirka iyo iskaashiga adag ee ka dhaxeeya labada dal iyo dad ee walaalaha ah.
Dhankiisa, Wasiir Abshir Cumar ayaa caddeeyay in Soomaaliya ay garab-taagantahay Dowladda iyo Dadka Jabuuti, isagoo xusay xiriirka wanaagsan ee ka dhexeeya labada dal iyo muhiimadda ay leedahay iyo la gaarsiiyo iskaashi istiraatiijiyadeed oo manfac wadaag leh .
