Madaxweynaha Soomaaliya oo kulan kula qaatay Taliska Ciidanka Xoogga Dalka Wasaaradda Gaashaandhigga.
Madaxweynaha Jamhuuriyada Soomaaliya Mudane Xasan Sheikh Maxamuud ayaa maanta kormeeray Taliska Ciidanka Xoogga Dalka Soomaaliyeed waxaana ku soo dhaweeyay Taliyaha Ciidanka XDS S/gaas ibraahim Sheikh Muxudiin Caddow.
Taliyaha Ciidanka Xooga dalka Soomaaliyeed S/gaas ibraahim Sheekh Muxudiin ayaa Madaxweynaha Qaranka Mudane Xasan Sheikh Maxamuud warbixin ka siiyay xaalada dalka iyo dagaalka ka dhanka ah kooxaha Argagixisada ah iyo sida ciidamada XDS Soomaaliyeed ay diyaar ugu yihiin Dagaalka dalka lagu sifeenayo loogana taqalusayo Cadawga.
Mudane Xasan Sheekh Maxamuud Madaxweynaha JFS ayaa sidoo kale warbixino ka dhageystay Saraakiisha Ciidanka, waxa uuna kulan guud uu la qaatay Taliyaasha Ciidamada Badda, Cirka, Taliye ku xigeenka Ciidamada dhulka Xooga dalka Soomaaliyeed.
Shirka guud ee Madaxweynaha Qaranka uu la qaatay Saraakiisha Ciidanka XDS waxaa goob joog ka ahaa Saraakiisha, Madaxda hogaanada iyo Taliska guud ee Ciidanka Xoogga Dalka Soomaaliyeed.
