Hay’adaha u dooda xuquuqul insaanka ayaa si ba’an u dhaleeceeyay dowladda rajada ay ka qabto in la sameeyo waxa loogu yeero “xarumo ku-meel-gaar ah” oo loogu talagalay magangalyo-doonka. Kuwani waa xarumo ay magangelyo-doonku ku nool yihiin inta lagu jiro habaynta codsiyadooda.
Dawladdu waxay ku dhawaaqday in ay bilaabi doonto baadhitaan arrintan la xidhiidha.
Sophia Rasmussen, oo ah lataliyaha siyaasadda socdaalka ee Save the Children, ayaa sheegtay in ay jirto khatar xabsi, iyada oo carruurta ay ku adagtahay in ay helaan xuquuq waxbarasho iyo daryeel caafimaad.
Qof kasta oo hadda magangelyo ka raadsanaya Iswiidhan wuxuu degi karaa mid ka mid ah hoyga Hay’adda laanta socdaalka ama wuxuu dooran karaa inuu ku noolaado gurigiisa.
Dawladdu waxay doonaysaa in ay baarto in nidaamka hadda jira lagu beddeli karo xarumo ku-meel-gaar ah oo magangelyo-doonka lagu khasbo inay ku noolaadaan iyagoo banaanka u soo bixin ka hor inta aan go’an laga gaarin..
“Waxay ku saabsan tahay ka dhigida habka magangalyada mid hufan iyo dedejinta habaynta codsiyada,” ayay tidhi wasiirka socdaalka Maria Sterngaard. Tani waxay muhiim u tahay geeddi-socodku inuu ahaado mid sharci ahaan ammaan ah intii suurtagal ah. Laakiin sidoo kale waxay ku saabsan tahay hubinta xakamaynta dadka ka hela diidmada Hay’adda Socdaalka.”
