Kooxo burcad hubeysan oon wali heybtooda la garan ayaa xalay magaalada Swellendam oo qiyaastii 225km u jirta magaalada Cape Town , ku dilay Cabduqaadir Jeemis oo kamid ahaa ganacsatada ugu waa weyn ee ku dhaqan magaaladaasi.
Ganacsadaha ayaa la sheegay in kooxo burcad hubeysan ku weerareen goobtiisa ganaci, waxa ayna sheegeen goobjoogayaal in ganacsadaha lagu dhuftay dhowr xabadood oo sababtay in uu geeriyoodo.
Marxuumka, ayaa sida ay eheladiisa xaqiijiyeen maalmihii lasoo dhaafay la kulmayey Hanjabaadyo kaga imaanayey unugyo kamid ah buracada hubeysan ee lacagaha baada ah ka qaada ganacsatada Soomaaliyeed iyo kuwa kale ee ajaaniibta ah.
Burcada oo lacago baad ah ka rabtay ayaa la sheegay in ganacsadaha marar badan ugu hanjabeen in ay dili doonaan, waxa ayna xalay dileen burcada hubeysan ganacsade Cabduqaadir Jeemis oo in ka badan 20-sanno deganaa magaalada lagu dilay.
