Sida ay sheegayaan wararka naga soo gaaraya magaalada Laascaanood madaafiic dhowr ah ayaa saaka waaberigii lagu duqeeyey qeybo ka mid ah magaalada.
Madaafiicdan ayaa ku habsaday qeybo ka mid ah bartamaha magaalada Laascaanood, waxayna cabsi fara badan iyo argagax ku abuureen shacab fara ku tiris ah oo weli magaaladaas ku nool.
Wararka ayaa sheegaya in madaafiicdan ay soo rideen ciidamada Somaliland ee hareeraha magaaladaas kula dagaalamaya ciidamada degaanka ee SSC la baxay.
Rasaas goos goos ah ayaa sidoo kale saaka laga maqlay goobaha ay isku hor fadhiyaan ciidamada Somaliland iyo kuwa degaanka.
Weli lama oga khasaaraha nafeed ee ka dhashay duqeynta iyo dagaalada goos gooska ah ee saaka ka dhacay magaalada Laascaanood oo labadii todobaad ee u dambeeyey ay ka taagneyd colaad xooggan.
Dhinaca kale, waxaa socda dedaalo lagu joojinayo dagaalka ka socda Laascaanood, iyadoo Maamulka Somaliland uu sheegay inay ergo madax dhaqameed ah u dirayso gobolka Sool, si ay ula soo xaajoodaan isimada dhaqanka ee ku sugan magaalada Laascaanood.
Maleeshiyaad aad u hubeysan oo ka tirsan kooxda Al-Shabaab ayaa maanta mar kale lagu arkay miyiga ku xeeran magaalada Baydhabo ee gobolka Bay sida ay sheegayaan dadka deegaanka iyo qaar
Ciidamada Puntland ayaa shalay hawlgal ballaaran ka fuliyey dooxada Miraale, halkaas oo ay ku dileen dagaalamaayal ka tirsan kooxda Daacish oo halkaas ku dhuumaalaysanayey muddo dheer. War kooban oo kasoo
Xukuumadda Somaliland oo ka hadashay dagaalkii shalay ku dhexmaray ciidamadeeda iyo kuwa SSC-Khaatumo deegaanka Dhuumadare ee gobolka Sanaag, ayaa sheegtay in uu qarxay kadib markii maleeshiyaad ay taageerto Soomaaliya ay
