Qarax xooggan oon wali la ogeyn waxa uu yahay ayaa goordhaw ka dhacay gudaha xerada saraakiisha ee ku dhaw wasaaradda gaashaandhigga, qaraxan ayaana la sheegay in uu ka dhashay khasaaro isugu jira dhimasho iyo dhaawac.
Sida aan wararka ku helnay qaraxa ayaa ka dhacay goob lagu shaaho oo saraakiisha iyo ciidanka isugu yimaadaan oo kutaalla gudaha xerada saraakiisha, waxaana goobtaan si gaar ah loogu dheeli jiray dublada.
Qaraxa ayaa lasoo sheegayaa in uu ka dhashay khasaaro isugu jira dhimasho iyo dhaawac oo soo gaaray dad shaca ah , askar iyo saraakiil, waxaa sidoo kale goobta laga daad-gureeyay dad badan oo dhaawacyo culus qaba.
Ciidamo ayaa gaaray goobta uu qaraxu ka dhacay, waxaana halkaasi gaaraya gaadiidka gurmadka deg dega oo goobta ka qaadaya dhaawacyada dadka dhintay iyo waliba dadka ku dhaawacmay qaraxa.
