Taliyaha ciidanka Asluubta Soomaaliya General Mahad Cabdiraxmaan Aadan ayaa sheegay in aan loo dul qaadan karin in ciidanka dowladda, gaar ahaan kuwa Asluubta ka mid ahaan askar cabtooy ah oo isticmaasha muqaadaraadka maanka-dooriya.
Jeneraal Shub ayaa sheegay in xashiishka isticmaalkiisa uu mamnuuc ka yahay gaal iyo islaamba, waxa uuna wax laga xumaado ku tilmaamay in ciidanka dowladda ay isticmaalaan xashiish sidoo kale waddooyinka la taagan yihiin calaq.
Waxa uu sheegay taliyaha ciidanka Asluubta Soomaaliya in shaqada ciidanka Asluubta uu ka eryay labo maalin gudahood 32 askari oo katirsanaa ciidanka, kuwaa uu sheegay in ay ahaayeen cabtoy isticmaasha xashiishka.
Jeneraal Mahdi Cabdiraxmaan ayaa sheegay in ka go’antahay in ciidanka Asluubta ka ruqseeyo dhammaan askarta idticmaasha maan-dooriyaha sida xashiishka iyo calaqa, waxa uuna xusay in askar badan oo cabtow ah ka doorbidayaan boqol askari oo nadiif ah.
Ciidanka nuucyadiisa kala duwan ee dowladda ayaa waxaa ku jira askar badan oo isticmaasha waxyaabaha maanka-dooriya nuucyadooda kala duwan, waxa ayna askrtan mararka qaar ku kacaan falal amniga lidi ku ah waxna u dhimaya anshaxa ciidanka.
