Madaxweynaha dalka Ruushka, Vladimir Putin ayaa ku hanjabay in ay bur burin doonaan nidaamka gantaalada difaaca hawada ee Patriot ee dowladda Mareykanka qorsheeneyso in ay ugu deeqdo dowladda Mareykanka.
Putin oo waraysi maanta siiyey telefishinka Russia-1, ayuu ku sheegay in 100% burburin doonaan nidaamka gantaalada difaaca hawada ee Patriot ee uu Madaxweynaha Maraykanka, Joe Biden horey u sheegay inay Ukraine ugu deeqi doonaan.
“Haa, dabcan, waxaan ka saari doonaa meesha 100% waan hubaa taasi, waana bur burin doonaa gantaalada Mareykanka siinayo Ukraine” ayuu yiri Madaxweyne Putin.
Madaxweyne Putin ayaa sidoo kale sheegay inay ka go’an tahay difaaca danaha qaranka Ruushka iyo danaha muwaadiniintooda, waxa uuna xusay in ciidamadooda diyaar u yihiin ilaalinta dadkooda iyo qarankooda.
“Anaga si fudud, ma haysano Xulasho kale, balse, badbaadinta muwaadiniinteena” ayuu yiri Putin oo sii raaciyey inaysan Dowladda Ukraine horey u haysanin nidaamyada gantaalada noocaasi oo kale ah.
Dowladda Mareykanka ayaa qorsheeneysa in dalka Ukraine ku taageerto nidaamka gantaalada casriga ah ee hawada Patriot si ay isaga difaacaan weerarada dhinaca cirka ah ee Ruushka.
