Maamul goboleedka Puntland ayaa ammartay in lasoo xiro oo caddaaladda la horgeeyo afar siyaasi oo xilal kala duwan kasoo qabtay maamulka Puntland iyo kuwa hadda xilal ka haya dowladda federaalka Soomaaliya.
Qoraal kasoo baxay xafiiska Xeer Ilaaliyaha guud ee Puntland ayaa waaran soo qabasho ah loogu jaray afarta siyaasi oo kala ah Wasiirkii hore ee Maaliyadda Puntland Xasan Shire Abgaal, Ergeyga Madaxweyne Xasan Sheekh, Khadar Faroole, Wasiir hore Maxamuud Shiddo iyo Maxamed Jaamac Faarax.
Afartan siyaasi ayaa xeer ilaalinta Puntland ku eedeesay in ay ka dambeeyeen dagaalkii habeen hore ka dhacay duleedka magaalada Garawe, kaa oo dhax maray ciidamo daacad u ah madaxweyne Deni iyo ciidamo taabacsan siyaasiyiintan qaarkood.
Siyaasiyiinta xeer ilaalinta Puntland ammartay in lasoo ciro ayaan wali ka hadlin arrintan, lamana oga sida ay ku suurto geli karto in lasoo qabto siyaasiyiintan oo ah kuwa hubeesan awood badana ku leh deegaannada Puntland.
Xubnahan kasoo horjeeda nidaamka doorashada qof iyo cod uu rabo madaxweyne Deni ayaa ahaa saaxiibadii hore ee Siciid Deni, waxaana xusid mudan in ay ahaayeen ragii ugu miisaanka cuslaa ee Dani usoo dhisay 2019-kii qabashada xilkan uu hada ku colaadinayo.
Madaxweynaha Mareykanka, Donald Trump ayaa Isniintii ku dhawaaqay in dowladdiisu ay wada hadal toos ah la bilaabeyso Iran, kaas oo la xiriira barnaamijkeeda sameysashada ee hubka nuclear-ka iyo sidii ay
Dad badan oo muhaajiriin ah oo kunool gobollo katirsan dalka Mareykanka, ayaa haatan waxaa soo wajahay walaac kale oo hor leh, kaddib markii dowladda Madaxweyne Trump soo saartay amar cusub
Wararka ka imaanaya gobolka Shabeellaha Dhexe ayaa sheegaya in aroorninadii hore ee saakay ciidamada xoogga dalka iyo kuwa deegaanka howlgal qorshaysan kaga saareen deegaanka Geelgub ee gobolka Shabeellaha Dhexe maleeshiyaadka
