Puntland ayaa sheegtay in dowladda federalka Soomaaliya aysan istaraatiijiyad ka lahayn dagaalka ay kula jirto kooxda Al-Shabaab ee ka socda bartamaha Soomaaliya.
Wasiirka Warfaafinta Puntland ayaa ku eedeeyey dowladda federaalka inay burburisay ciidamadii lagu soo tababaray dalka Eritrea, kuwaasoo uu sheegay inay ku filnaayeen burburinta Al-Shabaab.
“Ciidan fara badan oo tababaran oo dhallinyaro u badan, oo xaalad kaste iyo cimilo kaste lagu tababaray, oo shan kun gaaraya ayaa Eritrea laga keenay. Shantaas kun ayaa Shabaab ka adkaa, haddii si fiican loo maamulo,” ayuu yiri wasiirka.
Wuxuu sheegay in dowladda federalku dayacday ciidankeeda, isagoo sheegay in maalin kasta uu ay meel cidlo ah ku leyso Al-Shabaab.
“Madaxweyne Xasan Shiikh iyo dowladdiisu ayaa masuul ka ah istaraatiijiyad la’aanta lagu laynayo ciidanka dowladda” ayuu yiri wasiirka
Dowladda federalka ayuu sidoo kale ku eedeeyey inaysan Puntland la wadaagin xogaha Al-Shabaab, isagoo xusay Puntland inay halis ugu jirto dagaalyahanada Shabaab ee soo baxsanaya howlgallada ka socda gobolada dhexe inay ku soo dhuuntaan degaanadooda.
Taliska Mareykanka ee Afrika (AFRICOM), oo kaashanayay Dowladda Federaalka Soomaaliya, ayaa 15-kii Abriil 2025 duqeyn cirka ah ka fuliyay gudaha Soomaaliya, si loo burburiyo hub casri ah oo saarnaa dooni
In ka badan 35 xubnood oo ka tirsan kooxda Al-Shabaab ayaa lagu dilay howlgal culus oo ay si wadajir ah u fuliyeen Ciidanka Xoogga Dalka Soomaaliyeed iyo Daraawiishta Koonfur Galbeed.
Madaxweynaha dowladda Fedaraalka Soomaaliya Xasan Sheekh ayaa si faahfaahsan uga hadlay dagaalka dowladiisa kula jirto kooxda Al-shabaab ee ka socda inta badan gobolada dalka. Madaxweyne Xasan Sheekh oo u muuqday
