Ciidamada Dowlada Federaalka iyo kuwa Galmudug ayaa gacanta ku dhigey Dhaawacyada saraakiil katirsan ciidamada kooxda Ahlu Sunna oo ku dhaawacmay dagaalka ka socda Guriceel.
Wararka aan helnay ayaa sheegaya in dhaawacyada saraakiishan la qabtay si qarsoodi ah loogu sii waday magaalada Gaalkacyo si halkaasi loogu daweeyo dhaawacyadooda .
Saraakiishan dhaawaca ah ee la qabtay ayaa la sheegay in ay hogaaminayeen Ciidamada Ahlu Sunna ee ka dagaalamaya Guriceel , waxaana magacyadooda lagu sheegay Cali Xade, Cali Faarax iyo Maxamuud tashade.
Wararka aan heleyno ayaa sheegaya in dhaawacyada saraakiishan katirsan Ahlu Sunna ee la qabtay in loo gudbiyay Isbitaalka magaalada Dhuusomareeb halkaas oo lagu ilaalinayo.
Ciidamada dowlada iyo kuwa Galmudug ayaa horey dagaalka Guriceel ugu qabtay saraakiil iyo ciidamo u dagaalamayay Ahlu Sunna kuwaa oo iyana loo qaaday Dhinaca magaalada Dhuusomareeb.
Waxaa maanata magaalada Muqdisho si rasmi ah uga bilaawday diiwaangalinta cod bixiyayaasha oo ah talaabadii ugu dambeysay ee ka harsanayd bilaabashada doorashada qof iyo codka ah ee golayaasha deegaanka. Guddoomiyaha
Iyadoo Soomaaliya ay wajahayso halis amni oo cusub oo ka imaanaysa Al-Shabaab oo markale xoogeysanaya, ayaa Boqortooyada Midowday ee UK waxay kordhisay taageerada ay siiso Ciidamada Amniga Soomaaliya (SSF). UK
