Madaxweynihii Hore ee Galmudug C/kariin Xuseen Guuleed ahna Musharax Madaxweyne ayaa si kulul uga Hadlay Go’aankii uu qaaday Gudoomiyaha Golaha Shacabka Soomaaliya islamarkaana uu ku ganaaxay Xildhibaano ka Tirsan Golaha Shacabka.
Sharci daro ayuu ku Tilmaamay Tilaabadaas waxaana uu uqornaa Hadalkiisa
“Waxaan si adag u cambaareynayaa falka lagu doonaya in 15 Xildhibaan ah looga joojiyo ka qeybgalka fadhiyada golaha shacabka, ayadoo sabab looga dhigayo inay muujiyeen dareenkooda iyo fikirkooda ay kaga soo horjeesteen muddo kordhinta sharci darida ah ee loo sameynayo Farmaajo.
Runtii arintani waxay si cad u muujineysaa inuusan Farmaajo dooneynin doorasho, xoriyad iyo dimuqoraadiyo intaba.
Waxaan gudoonka golaha shacabka ugu baaqayaa inay dhowraan sharciga, xoriyadda mudanayaalka iyo dimuqoraadiyadda gudaha baarlamaanka dhexdiisa.
