Safiirka shaqada kasii dagaya ee Mareykanka u qaabilsna arrimaha Soomaaliya, Larry André Jr ayaa qormo cajiib ah ku maca-salaameeyay Soomaaliya oo muddo ka shaqeynayay.
“Dagaalka harsan, iyadoo la adeegsanayo tababaro iyo qalabayn, Mareykanku wuxuu sii wadi doonaa taageerada uu siinaayo dowladda Soomaaliya iyo ciidamada ammaanka si loo ballaariyo madax-bannaanida Soomaaliya lana gaarsiiyo dhammaan dhulkeeda oo dhan.”
Hoos ka aqriso qormadiisa oo dhameystiran;
Mahadsanid Soomaaliya
Waxaa qoray Danjire Larry André, Jr.
Hadalkana sar weedhiisa
Una saaf qofkii waaya
Ha ka tegin sarbeebtiisa
Hana gelin sursuur oodan
Hana liqin sangaabtiisa
Ha ku saxan badheedhkiisa
Runta sogordoh haw yeelin
Ha suldaarin dooddiisa
Sisibaa wadaaggiisa
Sababee abbaartaada
Hana badin su’aashiisa
Sarrifkiyo tilmaantiisa
Saddex erey halkii dooni
Soddon yaanay kaa qaadan
Siddi-qabaxi yay raacin
Sare haw dhig-dhigin luuqda
Gacantana ha saydh-saydhin
Anigoo raacaya tusaalaha Ustaadka hadalka, ereyada aan oron lahaa waa “Mahadsanid, Soomaaliya.”
Waad ku mahadsantihiin wada shaqaynta wacan. Suuqyadii faaruqsanaa ayaa dib u soo noolaaday. Dugsiyadii ayaa dib loo furay.
Wadooyin maritaankooda halis ahaa ayaa hadda u banaan ganacsi, sahleyna safaradda qoysaska dib ugu midoobeen. Iskaashigeena amni wuxuu sahley bulshooyinkii dulmanaa ee baadda iyo xagjirnimada inay ku noolaadaan nabad oo ay bilaabaan inay dib u dhisaan horumarkooda.
Waad ku mahadsantihiin tusaalaha wanaagsan. Intii aan safiirka ahaa, waxaan fursad u helay in aan la hadlo Soomaalida ku nool Hargeysa ilaa Kismaayo iyo meelo badan oo Soomaaliya ka mid ah. Iyadoo wada sheekeysiga qaar uu ahaa mid aad u adag, ayaa intooda badan waxa ay igu beertay in aan ku farxey sida ay Soomaalidu heer kasta oo ay tahay bulshada uga go’an tahay in ay si buuxda u soo nooleeyaan dalkooda.
Waxaan ka fikiraa aabaha reer Hiiraan oo ii sheegay in wiilkiisa askariga ah uu jecel yahay Soomaaliya iyo dadkeeda iyo rabitaankiisa inuu u dhinto. Mid ka mid ah madaxda bulshada magaalada Baydhabo ayaa iiga waramay sida ay ugu dadaalayaan hay’adaha samafalka inay diiwaan geliyaan ragga, haweenka, iyo qoysaska si loogu ogolaado inay helaan gargaar aad loogu baahan yahay inta lagu guda jiray abaarta.
Tani waa sababta Maraykanku ugu rajo wayne yahay Soomaaliya midaysan, xoog badan, oo dimuqraadi ah, sababta aan u ahaanayno saaxiib la isku halayn karo oo dhinaca amniga ah iyo samatabbixinta bini’aadantinimo ee ugu weyn.
Si ay Soomaaliya u dhisato dal midaysan, adag, oo dimuqraadi ah, waxay u baahan tahay dhammaan dadkeeda.
Muuqaaladaasi waxa ay xasuusin weyn u ahaayen in guulihii aynu ka gaarno goobaha dagaalka, suuqyada iyo fasalada ay si degdeg ah u baabi’in karaan hagardaamooyin siyaasadeed oo aragti gaaban iyo dano gaar leh. Waxaan ka codsanayaa madaxda siyaasadda Soomaaliya inay sii wadaan inay dalkan horumariyaan.
Waxaan markii ugu horreysay booqday Soomaaliya 2001, 22 sano kaddib, waxaan ku rajo weynahay mustaqbalka Soomaaliya, waxaana ixtiraam buuxda u hayaa hormarka dadka Soomaaliyeed gaareen.
Safiirka Maraykanka Larry André
Larry André waxa uu ahaa Safiirka Mareykanka ee Jamhuuriyadda Federaalka Soomaaliya laga soo bilaabo Janaayo 2022 ilaa May 2023.
