27 ka tirsan maleeshiyada Al-Shabaab ayaa lagu dilay ‘hawlgal qorsheysan’ oo ka dhacay Beerta Sheekhow oo 16 KM u jirta degmada Awdheegle ee gobolka Shabeellaha Hoose, sida ay werisay wakaaladda wararka ee dowladda Federaalka ee SONNA.
“Ciidanka Xoogga Dalka oo garab ka helaya saaxiibo caalami ah, ayaa burburiyay goobihii ay ku sugnaayeen argagixisada, waxaana taasi ay keentay in 27 ka tirsan maleeshiyada Al-Shabaab oo isku uruursanayay beertaasi laga saaray.” ayaa lagu yiri qoraal kusoo baxay barta X ee walaaladda SONNA.
Faah-faahin intaas dheer dowladdu kama bixin howlgalkan, iyada oo VOA aysan si madax-bannaan u xaqiijin sheegashada dowladda ee dilka maleeshiyada Al-Shabaab.
Dowladaha Soomaaliya ka kaalmeeya dhinaca hawada weli si rasmi ah uma aysan xaqiijin haddii ay ka qeybgaleen howlgalkan.
Puntland ayaa si cad uga hortimid diiwaangelinta kaarka aqoonsiga qaranka (National ID) ee dowladda Fecderaalka Soomaaliya, iyada oo sheegtay in qorshahan uu yahay mid siyaasadaysan, loogana dan leeyahay doorashooyin aan
