Wasaarada amniga maamulka Koonfur Galbeed ayaa soo saartay awaamiir cusub oo la xiriira amniga doorashada xubnaha golaha shacabka Soomaaliya.
Qoraal ay soo saartay wasaarada ayaa musharaxiinta doorashada golaha shacabka waxaa looga mamnuucay iney hub iyo ciidan ka dejiyaan magaalooyinka ay ka dhacayaan doorashooyinka iyo xarumaha doorashada intaba.
Amarkan ayaa ku soo beegmay xili maanta Gudoomiye ku-xigeenka baarlamanka C/wali Muudey iyo ciidan ilaalo ah oo uu watay loo diiday iney ka dhoofaan Xamar iyagoo ku sii jeeday degmada Baraawe.
C/wali Muudey ayaa doonayey inuu u tartamo kursiga beeshiisa, waxaana xanibaada lagu soo rogay ka dambeeyey sida la sheegay Fahad Yaasiin oo quudareynaya inuu noqdo Gudoomiye ku xigeenka baarlamanka.
HOOS KA AKHRISO QORAALKA K/GALBEED
