Dowlada Qatar ayaa daaciga wayn ee Dr. Zakir Naik ku casuuntay koobka kubada cagta ee adduunka oo habeen dambe ka furmaya magaalada Doha
Shiikha ayaa loogu baaqay inuu jeediyo muxaadarooyin diini ah inta lagu guda jiro Koobka Aduunka.
Dhinaca kale, Markii ugu horeysay taariikhda Koobka Aduunka ayaa lagu wadaa in lagu furo aayado ka mid ah Quraanka Kariimka.
Dawladda Qadar ayaa wiil lagu magacaabo Qanim Al Miftaa u xulatay inuu akhriyo aayadaha Quraanka Kariimka ee lagu furi doono ciyaaraha Koobka Qaramada Adduunka.
Qanim oo ah Wiil ka mida dadka baahiyaha gaarka ah qaba ayaa ah Xaafidul Quraan leh cod macaan, waxaana sidoo kale la sheegay in habeen in xaflada furitaanka ciyaaraha la hakin doono salaada cishaha awgeed, iyadoo dib loo bilaabayo salaada ka dib.
Dhinaca Kumanaan taageerayaal ah ayaa magalada Doxa ku soo bandhigey calanka Falastiin saacado kahor bilaabashada Koobka Aduunka.
Afhayeenka Wasaarada Arrimaha Dibada ee Qatar ayaa sheegtay iney Koobka Aduunka ku soo bandhigi doonaan qadiyada Falastiin oo ay ku tilmaantey qadiyad xaqa oo waligeed ahaan doonta mid damiirkooda ku jirta.
