Qiiq iyo uuro madow ayaa lagu arkayaa Taliska Gooja-cadde ee duleedka Laascaanood halkaas oo fariisin weyn u ayeyd Ciidamada Somaliland.
Ciidamada difaaca Shacabka SSC ayaa jihooyin kala duwan kaga durkay Gooja-cadde kadib weerarkii ay saaka qaadeen. Xogo dhinaca amniga ah ayaana xaqiijinaya in si daran-doorri ah madaafiic ugu hoobanayso Gooja-cadde islamarkaana qeyba kamid ah dab ka kacay.
Xogaha ayaa sidoo kale sheegaya in Ciidamada Somaliland saaka laga qabsaday Taliskii Maraaga oo ay difaacyo adag kaga jireen.
Dagaalka ayaa qayb-ahaan ka durkay Laascaanood waxaase Ciidamada Somaliland isticmaalayaan hubka waaweyn kaas oo masaafo fog ka soo duqaynaya magaalada.
Duqaymaha qaarkood oo sida lagu warramayo ku soo dhacaya gudaha Laascaanood ayaa khasaare kala duwan sababay.
