Dhimasho iyo dhaawac ayaa ka dhashay qarax ismiidaamin ah oo Maanta ka dhacay Afaafka hore ee Xerada Tababarka Janeraal Dhegabadan ee Warshaddda Nacnaca oo ku taal degmada Wadajir.
Qof isku soo xiray waxyaabaha qaraxa ayaa beegsaday dhalinyaro taagnaa Afaafka hore ee xerada, kuwaas oo loo qorayay Ciidannimo, isla markaana doonayay inay ku tababartaan Gudaha Xerada.
Wararka qaraxa laga helay ayaa sheegaya in dadka ku dhintay qaraxaas & kuwa ku dhaawacmay ay kor u dhaafayaan ilaa 20, kuwaas oo badankood ah dhalinyaro loo tababarayay leylo sarkaalnimo.
isbitaalka Madiina ayaana La geeyay dhaawacyo badan iyo sidoo kale Maydka askarta dhimatay, waxaana Qul qulaya Gaadiidka Gurmadka Deg deg ah ee daad gureenayay Dadka dhaawacyada kala duwan ay soo gaareen.
