Recep Tayyip Erdogan ayaa u sheegay dhiggiisa Ruushka inay muhiim tahay in la sameeyo waxa loogu yeero “aagga nabdoon” ee gudaha Suuriya, sida uu sheegay xafiiska madaxtooyada Turkiga.
Erdogan ayaa todobaadkii hore ku dhawaaqay duulaan cusub oo militari Turkiga uu ku qaaday dalka ay dariska yihiin ee Siiriya si loo sameeyo aag noocaan oo kale ah.
Ciidamada Turkiga iyo maleeshiyaadka huwanta ah ayaa horey u maamulayay qeybo kamid ah waqooyiga Siiriya. Qaybaha kale waxaa gacanta ku haya maleeshiyada Kurdiyiinta ee YPG, oo Turkigu u arko garabka fidsan ee jabhadda PKK ee Suuriya. Mareykanka, Ruushka iyo Nidaamka Suuriya ayaa sidoo kale ciidamo ka joogaan gobolka xadka.
Ruushka iyo Turkiga ayaa sanadkii 2019 ku heshiiyey in booliska militariga Ruushka iyo ilaalada xudduudaha Suuriya ay bilaabaan riixitaanka maleeshiyaadka Kurdiyiinta meel 30 KM u jirta xadka Turkiga.
Erdogan ayaa u sheegay madaxweynaha Ruushka Vladimir Putin Isniintii in aaggan oo kale aan weli la dhisin, “ay lagama maarmaan tahay in goobahaas la sugo,” ayuu yiri xafiiskiisa. Erdogan ayaa ku andacooday in maleeshiyaadka Kurdiyiinta ay sii wadaan weerarada ka dhanka ah Turkiga oo YPG u arka koox argagixiso ah.
Mareykanka oo dagaalka kula jira kooxda YPG ee ka dagaalanta Suuriya ayaa uga digay xulafada NATO ee Turkiga inay qaadaan duulaan cusub, isagoo sheegay inay halis gelin karaan ciidamada Mareykanka.
Erdogan ayaa sidoo kale Putin u sheegay in Turkigu uu diyaar u yahay inuu dib u bilaabo kaalintii uu ku lahaa joojinta dagaalka Ukraine. Waxaa ka mid ah ka-qaybgalka suurtagalka ah “habka indho-indheynta” ee Ukraine, Ruushka iyo Qaramada Midoobay, ayaa laga sheegay Ankara.
Ka dib markii Ruushka uu weeraray Ukraine 24-kii Febraayo, dalalku waxay ka qaybqaateen wadahadalka Istanbul bishii March si loo soo afjaro dagaalka.
