Dowlada Soomaaliya ayaa 24saac kadib ka hadashay Qarixii ismiidaaminta ahaa ee shalay lagu laayay Ciidmada 14ka Octoober Gudoomiyaha Golaha Shacabka ahna Kusimaha Madaxweynaha Soomaaliya ayaa Goordhow Faahfaahin ka bixiyay Qarixii Shalay ka dhacay Gudaha Xerada Jaale Siyaad ee degmada Hodan.
gudoomiye aadan Madoobe ayaa shaaciyay in Qaraxaan ay Fududeeyeen Saraakiil Ka tirsan Ciidanka Xooga Dalaka Soomaaliya oo alshabaab si hoose ula shaqeeya.
aadan Madoobe ayaana Amar ku bixiyay in degdeg loo baaro askartii fududeysey qaraxaas Wuxuuna sheegay in kuwa khaaimiin ah ay ciidanka ku dhexjiraan aadan madoobe ayaana tacsi udiray qoysaskii ay ka geeriyoodeen ciidanka xooga dalka ee Halkaas ku dhamaaday.
ku dhawaad 40 askari ayaa la xaqiijiyay inay ku dhinteen halka ay ku dhaawacmeen ku dhawaad 70 askari ciidankaan oo badankood kasoo jeeday gobalka shabeelada hoose.
Magaalada Marka ayaa maantay waxaa ka dhacay Banaanbax culus oo looga soo horjeeday sida hal ciidan qaraxaas loogu shirqoolay ayagoo dalbaday inay baaritaan lagu sameeyo arinkaan.
