Dhaqtar Soomaali ah oo Jaamacad KuTaal Dalka Pakistaan Wax Ka Baranayay oo La Gowracay

Booliska magaalada Multan ee gobolka Punjab ee dalka Pakistan ayaa baaritaan ku haya islamarkaana su’aalo weydiinaya dhaqaatiir kadib markii meydka dhaqtar Soomaali ah laga helay qeybta la seexdo ee Jamaacadda Nishtar Medical Hospital.

Dr. Abdul Rehman, oo ka yimid Soomaaliya islamarkaana wax ka baranayey qeybta qalliinka ee Jaamacadda, ayaa Arbacadii waxaa isaga oo la gowracay meydkiisa laga helay musqul ku taalla hoolka Jamal Bhutta oo ah halka ay degan yihiin dhaqaatiirta ee Isbitaalka Nishtar Hospital.

Dr. Abdul Rehman ayaa deganaa qolka No.17 isaga iyo dhaqtar kale oo ka yimid Soomaaliya oo lagu magacaabo Dr. Abdul Azizi, wuxuuna isku diyaarinayey qeybta koowaad ee qalliin tijaabo ah oo uu sameyn lahaa.

Waxaa sidoo kale qolka la deganaa dhaqtar Pakistani ah oo lagu magacaabo Dr Ghulam Muhammad iyo kaaliyihiisa Muhammad Ijaz.