Wasiirka Amniga Gudaha Galmudug Axmed Macalin Fiqi ayaa faahfaahin ka bixiyay dagaalkii xalay dhexmaray Ciidanka dowladda Soomaaliya iyo ururka Al-Shabaab ee ka dhacay duleedka Dhuusamareeb.

Wasiirka ayaa sheegay in weerarkaasi la fashaliyay waxaana uu xaqiijiyay in ay Ciidamadu gacanta ku hayaan, Qori hoobiye ah, gaari ay wateen kooxda weerarka soo qaadey, qoryo fudud oo ay kujiraan 2-BKM, nin dhaawac ah iyo 8-meyd ah oo ay ka carareen.

Waxaa uu kusoo bandhigay  magaalada Dhuusamareeb Madaxii  Qaybta qaraxyada Galgaduud u qaabilsanaa Alshabaab oo lagu magacaabo Xassan Cabdinuur daad “Careys”

Waxaa uu ugu baaqay xubnaha Al-Shabaab in ay isku soo dhibaan ciidanka dowladda Soomaaliya ee ku sugan degaanada maamulka Galmudug.