Al-Shabaab ayaa degaanada ay maamusho ku soo bandhigtay seddax askari oo ay tillmaameen inay kasoo goosteen Maamulka Jubbaland oo watay gaari ay kala soo goosteen wasiir ka tirsan Maamulkaas
Cabdicasiis Abuu Muscab Afhayeenka howlgallada ee Al-Shabaab ayaa sheegay in askartaan ay towbad keentay, kana soo baxeen Jubbaland, isagoo xusay iney la soo goosteen gaari.
Wararka qaar ayaa sheegaya in gaariga ay askartan la goosteen uu lahaa wasiir ku xigeenka Tamarta iyo Biyaha ee Jubbaland Mustafa Xaaji.
Askarta la goostay gaariga ayaa waxaa ku jira sida wararku nagu soo gaareen darawalkii Wasiirka, waxaana la geeyey gaariga iyo askarta la socotayba degmada Jilib ee gobolka Jubada dhexe.
Maamulka Jubbaland ayaan weli ka hadlin askarta iyo gaadiidka lagala goostay ee Al-shabaab ay ku soo bandhigtay degmada Jilib, lamana oga sababta askartan ku kaliftay falka ay ku kaceen.
Dowladda Federaalka ee Soomaaliya ayaa xirtay ilaa iyo 12 warbaahin, nooca mareegaha ah oo ay Al Shabaab lahaayeen, iyadoo horay dowladdu ugu guuleysatey xiritaanka in ka badan 30 bar mareeg
Xiisada u dhexeysa Itoobiya iyo Eritrea ayaa sare u kacday, iyadoo xiriirka diblomaasiyadeed ee labada dal uu si xowli ah u sii kala fogaanayo. Arrintan waxay salka ku haysaa Rabitaanka
Warar dheeraad ah ayaa kasoo baxaya khasaaraha ka dhashay weerar ku bilaawday gaari laga soo buuxiyay waxyaabaha qarxa oo uu xigay dagaal toos ah oo waabarigii hore ee saakay kooxda
