Ciidamadii ugu badnaa ee Beelweynta Murusade ayaa maanta mar kale ka baxay garoonka diyaaradaha Aadan Cadde, kuwaas oo ka dagi doono magaalada Guriceel.
Ciidamadan oo wata Hub culus iyo gawaari dagaal ayaa ku wajahan Magaalada Ceelbuur, iyagoona saldhigan doono deegaanka Warxoolo, si ay uga sii gudbaan deegaannada kale ay beeshu dagto ee ku jira gacanta kooxda AS.
Wasiirka Caddaaladda iyo Dastuurka Xasan Macalin ayaa sagootiyay ciidankan oo ay safarka ku wehlinayaan xildhibaanno beesha Murusade ku matala dowladda Federaalka, kuwaas oo dhiirrigelin iyo garab istaag ula heellan ciidanka.
Shalay ayey aheyd markii ay Beesha Murusade ciidan iyo hub ka dajisay magaalada Beledweyne, kuwaas oo ujeedkoodu yahay in ay u ruqaansadaan deegaannada Wabxo, Dac, Ceelbuur iyo Galhareeri.
Cali Aadan Muumin
